Assalamualaikum Wr Wb.
Ugi kawula aturaken
konjuk para rawuh ingkang ngrasuk agami sanesipun Islam. Kawilujengan
katentreman, kebagaswarasan mugi kasarira kajiwa wonten jasad panjenenganipun
sadaya dalasan kawula wradin para rawuh kakung putri.
Rinengga sagunging pakurmatan:
1. Panjenenganipun
Rektor IKIP PGRI Madiun, ingkang satuhu pantes pinundi soko kinabekten
2. Panjenengan
Bapak kaliyan Ibu juri, ingkang pantes katuran sagunging pakurmatan
3. Kadang-kadang
saha para rawuh ingkang dereng kasebat satunggal baka satunggal, ingkang satuhu
bagya mulya.
Nuwun, salajengipun para sutresna budaya, mliginipun
sutresna budaya kagunan Jawi. Sasampunipun kula marsudi indhaking seserapan ing
jagading kabudayan Jawi. Lajeng tinarbuka osiking manah, kumalancang kepingin
mbabar lukitaning kanthi irah-irahan “Ngleluri Budaya Basa Jawi” ingkang
isinipun “Nulad Nuladho Nglestarekaken Budaya Basa Jawi”.
Anggen kula ngudi damel irah-irahan punika ngengeti
bilih wekdal samangke panudi ing babagan kabudayan Jawi katingal ngrembaka
prasasat jamur ing mangsa rendheng. Ananging kathah-kathahipun kirang marsudi
lenggah saha boboting basa ingkang dipun angge, saengga wongsal-wangsul
anon-tinon, niru ingkang sampun wonten.
Pandhapuking ngleluri budaya basa Jawi namung dhapur
urun-urun pemanggih dhumateng para sutresna budaya Jawi, mugi dadosa salah
satunggaling sarana kagem ngleluri budaya basa Jawi punika dumateng para
rencang-rencang sedaya ugi sedaya kawula negari Indonesia.
Gegayutan kaliyan tindak-tandukipun pahlawan rikala
jaman pasulayah kaliyan penjajah, sumangatipun mboten kanten-kantenan supados
mboten dipunjajah maleh kaliyan bangsa sanesipun. Negari Indonesia pun merdika, para kawula
kantun ngisi kaliyan njagi kamardikan punika warna-warni. Salah satunggalipun
inggih punika kita samya nulad nuladha tindak-tandukipun para pahlawan kang
tansah sumangat kagem kamardikan tanah wutah darahipun.
Bab njagi ugi nguri-uri budaya basa Jawi inggih
punika kanthi ngulintenaken ngendikan basa Jawi saben dintenipun, dhumateng
lingkungan keluarga, sekolah kaliyan masyarakat. Sak umpami keparenga kula
anggadhahi pamundhutan dhateng bapak Rektor IKIP PGRI Madiun, sak umpami
dhateng satunggal Mingu punika wonten satunggal dinten kedah ngginakaken basa
Jawi kagem sedaya warga IKIP PGRI Madiun inggih punika Rektor, Dosen, mahasiswa
kaliyan sedaya pegawai staf IKIP PGRI Madiun. Mugi-mugi saget kaleksanan
anggenipun nguri-uri nulad-nuladho tindak-tandukipun para pahlawan ugi njagi
kalestarinipun budaya basa Jawi.
Amung hambok bilih atur kula. Wonten kirang
susilaning krama miwah kirang suba sila, saha duna dungkabing basa kula,
ingkang mboten hanuju prana, labet kula hang lenggana, kawula sawantah ingkang
mboten kalis saking kalepatan. Mugi panjenenganipun kersaa paring agunging samudra
pangaksami. Ing wasana sumangga nglajengaken lampah anggenipun kabudayan Jawi,
saengga tetep lestari, kuncana kaliyan ngrembaka hanjayeng bawana.
Nuwun. Maturnuwun. Wassalamualaikum Wr Wb.
Madiun,
4 Desember 2011
Panyerat
Fera
Luxiana
NIM.
10141259
